讓西洋棋帶你同時「高貴上殿堂」、「逃離人類荒謬」&「得到同樣快樂」！| Chess Class

Netflix Disney+ 左咁耐都悶啦，不如試下培養一個新興趣？

打開iPad就有Netflix & Disney+既香港人，對Netflix馬拉松毫不陌生，朝早追社內相親，夜晚翻煲Marvel到朝早，空閒日子可以讓人十幾個鐘同一個動作係床度唔郁唔眨眼（小編都係其中一員）。第二朝起身返工眼痛脖頭痛既時候又會後悔點解要咁放縱，有時睇到咁上下會覺得悶，但佢autoplay下一集既時候又唔會伸只手出黎stop佢，由得佢繼續播。但如果我地將咁大舊時間抽小小出黎花係西洋棋度，情況又會如何呢？

• 西洋棋小知識

西洋棋係一個集戰術策略同記憶於一身既棋盤遊戲，你打開Windows電腦既西洋棋小遊戲會望到8x8=64格既棋盤一頭問號唔識玩，於是走去玩 3D 彈珠台。但呢個遊戲並非我地想象中咁複雜！

• 一見鍾情或許只係都市傳說

「人在江湖，身不由己」？西洋棋世界裡面，所有嘢你都控制到！

今日香港人既生活係各種原因牽扯角力之下，我地好難可以話我地完全掌握到自己既命運同人生。人越大越感受到「人在江湖，身不由己」既到肉；生活裡面有好多唔make sense既嘢，都要硬吃。人生如棋，棋如人生，但有一件事將人生和下棋分別開來：

• 人生既不確定性及無邏輯，並不存在於棋盤之上

人大多追求完美，卻因無法掌握人生既不確定性而失敗；我地好努力令我地生活裡面既事情make sense，最後發現其實有d嘢點都make唔到sense。香港iBanker西洋棋世界冠軍，出身St. Joseph College (「St Jo」) 既舊生林景蔚 （Daniel）都好同意呢個講法，係對金融界爾虞我詐既厭倦之下，佢講左呢句說話：

「盤棋係得咁多隻棋，唔會無端端有隻棋飛埋來。捉棋係有邏輯，完全計得到。但金融界唔係，啲嘢係唔make sense（不合理）。」—— Daniel Lam

Sidetrack一下：原來Daniel並非St Jo唯一一個拎世界冠軍既棋手，係Daniel登頂之後，又有一位舊生 張逸軒（Yorkson）係智力奧運（Mind Sports Olympiad）拎到圍棋世界冠軍，佢地兩個都好想將咁好玩既棋盤遊戲推廣比更多香港人認識！
左：林景蔚 （Daniel）右：張逸軒（Yorkson）(img src)

但西洋棋既世界就唔同，唔會有不確定性，都唔會無邏輯！西洋棋既世界只有你個腦同你對手個腦，只有智慧同耐力既較量。呢個都係Daniel享受玩西洋棋既原因。西洋棋於佢而言，就係佢既安全感來源。你可以係棋盤上面掌控每一步，憑著你的能力控制大局，因為棋盤上面所有嘢都可以用邏輯解釋！你可以追求你既完美主義而不被限制，但這同時意味著在棋盤上經歷挫敗只能歸咎自己。際遇不好尚且可長嘆時不我與，但棋盤之上輸了，卻只能怪責自己技不如人。

• 自己為自己的勝敗負責

從開局到完局之間，所有東西都掌握在自己手中，一場自己為自己的勝敗負責的博弈，是The Queen’s Gambit描繪西洋棋哲學非常生動的一部分，也是其最能夠吸引世界各地觀眾玩西洋棋的原因之一，這些，有吸引到你嗎？

唔止咁！玩西洋棋舉手投足，可以讓你頓時變得雍容華貴！

唔求高貴，但求消遙？OK！西洋棋可以讓你逃離人類荒謬，仲可以令一個人不再一樣！

就好似當兩個人深深相愛既時候，兩個人既靈魂觸摸對方，拍緊拖既你地完全沈浸係兩個人既世界裡面，而單身既你透過玩西洋棋都可以進入一個完全離開現實，由兵、象、馬、王、后掌管既世界，你上網禁入去是但一個西洋棋平台開始捉棋，根本唔需要理對方係咩人，都可以讓你完全忘記外面既世界。唔信？等我證明比你睇啦！

兩個囚犯係芝加哥一所監獄裡面討論緊點樣落下一步棋 (img src)

所以原來西洋棋真係可以讓人逃離人類荒謬，仲可以令一個人不再一樣！如果你身邊d朋友有d咩反社會傾向，你可以叫佢玩西洋棋，等佢地變翻正常d！

鍾意聽歌？聽音樂個份愉悅，玩西洋棋時都得到！

打開連登，YouTube，唔同既音樂page，都會見到香港人對樂壇前朝後代誰高誰低既辯論係永遠都唔會停，證明香港人真係超級鍾意聽音樂！根據JOOX既音樂大數據，香港JOOX用戶係2019年入面聽歌既總時間，足以坐飛機環繞地球飛行900萬次，聽音樂次數最多既用戶平均每日聽10個鐘歌！

當棋子變成音符既音樂棋盤

“Chess, like love, like music, has the power to make men happy.”
—— Dr. Siegbert Tarrasch, Germany World-class Chess Grandmaster, early 20th century