端午節快樂🐉🥳 糉就食得多！咁唔知關於端午節嘅冷知識大家又知幾多呢？
🤯 1) 端午節唔係因為紀念屈原而出現？！
每年夏至嘅時候太陽又猛又夠晒雨水，農作物大豐收之餘，同時亦係蚊蟲大量滋生嘅時候，搞到周圍疫症橫行。再加上「五」喺古代係個唔吉利嘅數字，端午節以前甚至仲有個別名叫做惡月惡日，所以古人就用五月初五呢日提大家要趨吉避凶，例如係掛艾草同飲雄黃酒去除病防瘟！而呢一日就係端午嘅前身喇！
🥚 2) 蛋都識stand up？！
學哥哥話齋：「妳別說再要坐低」！原來端午節正午嘅時候太陽會直射北半球，令到太陽引力同地心嘅引力兩股拉扯嘅力量處於一個相對平衡嘅狀態，就算喺平坦嘅地面，雞蛋都可以輕易站起來。
🗺️ 3) 普普通通一個節日都可以做文化遺產？
端午節一啲都唔普通！原來早喺2009年9月，端午節已經比聯合國教科文組織列入世界非物質文化遺產，仲係中國第一個入選呢個行列嘅節日，實在係首屈一指！
🤫 4) Shush！唔准講端午節快樂！
諗起屈原因為心痛自己國家被侵略而投河自盡都覺得可悲！漢朝嗰陣端午節仲被視為「惡日」，所以而家喺中國某啲地區都仲係好避忌講「端午節快樂」㗎！雖然有得食糭係正嘅，但都記住唔好亂講野呀~
🎏 5) 日本都有端午節？
端午節係中國四大傳統節日之一，但原來日本也會過端午！大家記憶中的鯉魚旗，就係慶節活動之一。只係到左後期，日本棄用舊曆，同時具有菖蒲節、男孩節別名既日本端午節，就改了在新曆5月5日當日。而日本都有具當地特色的粽；關西地區有三角粽、鹼水粽，而關東地區則會以柏餅代替。加上赤飯、鯛魚的應節食品，下年有機會飛日本，五月初記得試試！✈️
心郁郁想加入成為導師，開賣課程？知多啲
Connect:
© 2022 OhMyClass 學住慳.
All rights reserved.
Privacy Policy
|
User Agreement
|
Terms of Service
|
PICS
.
👆🏻 Last minute deals straight to your inbox! #NowOrNever
By signing up for newsletters, you agree with our User Agreement and Privacy Policy.